Á vettvangi SSH starfar samstarfshópur um þróun samgöngukerfa fyrir hjólreiðar skv. samkomulagi milli sveitarfélaganna á höfuðborgarsvæðinu og Vegagerðarinnar frá 17. apríl 2015.

Í hópnum sitja lykilstarfsmenn frá sveitarfélögunum í málefnum hjólreiða en verkstjórn er í höndum Vegagerðarinnar.

Hópurinn fundar reglulega til að ræða málefni hjólreiða á höfuðborgarsvæðinu og vinna að sérhæfðum verkefnum sem varða málaflokkinn, sjá umfjöllun fyrir neðan.

Stofnleiðir hjólreiða á höfuðborgarsvæðinu

Í janúar 2020 hófst vinna við skilgreininingu stofnhjólanets höfuðborgarsvæðisins. Vinnan er hluti af samgöngusáttmála ríkis og sveitarfélaga sem var undirritaður í lok september 2019 sem felur í sér sameiginlega stefnu í uppbyggingu samgönguinnviða til fimmtán ára (2019 -2033), þ.á.m. innviða fyrir hjólreiðar.

Markmið verkefnis var að:

    -  ákveða hvaða innviðir (stígar og aðrar lausnir) verða byggðir á næstu 15 árum með fjármagni úr sáttmálanum.

    -  raða völdum framkvæmdum í forgang sem ræðst af mikilvægi leiðanna.

    -  áætla hönnunar- og framkvæmdakostnað fyrir hverja leið eða legg.

Niðurstöður verkefnisins eru fyrstu skrefin í átt að framkvæmdum á stofnleiðum og verða endurskoðaðar reglulega og eftir þörfum.

Afurðir (birtar með fyrirvara um breytingar)

  Tillaga að stofnleiðaneti hjólreiða, tengistígum og uppbyggingu aðskildra stofnleiða til 2033

  Tillaga að forgangsröðun uppbyggingar

  Kynning á vinnu starfshóps (Vegagerðin)

  Minnisblað EFLU dags. 21.01.2020

Hönnunarleiðbeiningar fyrir hjólreiðar

Leiðbeiningar um hönnun umhverfis hjólreiða voru gefnar út í lok árs 2019.

Hjólaleiðbeiningarnar eru liður í að tryggja samræmingu í útfærslu umhverfis fyrir reiðhjólafólk á höfuðborgarsvæðinu. Þær byggja á eldri leiðbeiningum Reykjavíkurborgar og vinnu Vegagerðarinnar.

Í nýjum leiðbeiningum er m.a. tekið á eftirfarandi þáttum:

  - Útfærsla á hönnun hjólaleiða eftir aðstæðum
  - Rýmisþörf hjólreiðamannsins
  - Öryggissjónarmið, ferill og sýn
  - Samspil ólíkra ferðamáta
  - Uppbygging stíga og umhverfi þeirra
  - Sérlausnir
  - Gátlisti fyrir hönnun rieðhjólastíga

 Hönnunarleiðbeiningar fyrir hjólreiðar -stærri upplausn

Hjólavegvísar á höfuðborgarsvæðinu

Árið 2016 gáfu sveitarfélögin á höfuðborgarsvæðinu út leiðbeiningarritið  
 Lykilleiðir á höfuðborgarsvæðinu: Merkingar og vegvísun.

Markmiðið með útgáfu var að sýna á hvaða hátt skuli merkja ákveðið kerfi lykilleiða hjólreiða á höfuðborgarsvæðinu og samræma útlit þess. Í leiðbeiningunum var stofnleiðum hjólreiða á höfuðborgarsvæðinu skipt í fimm lykilleiðir;  gul, rauð, græn, blá og fjólublá.

Styttri útgáfa af leiðbeiningarriti er aðgengileg hér:

  Útfærsla og staðsetning hjólavegvísa